上週英超冇直播利物浦,總是覺得若有所失,今晚下決心一看新班底在歐冠盃表現。中場路亦斯加西亞同謝拉特跑勻全場,連接整個利記的攻擊及防守,十分搶鏡。雖然只看上半場(太累),覺得前、中路的西班牙兵團都幾對版,應該冇入錯貨。不過摩洛哥是殘陣,下週對ManU才是考驗。
深宵影院:東方不敗之風雲再起
如果不是要等開波,不會有機會欣賞到這套由一線演員擔綱的9級騎呢片。
1,影片頭十分鐘竟然係笑傲江湖一、二集的精華片段,天啊!
2,林青霞加上王祖賢但竟然冇似樣的男主角,由于榮光左右逢源。
3,拍整齣戲的目的就是為了林青霞的時裝表演。
4,東方不敗由始至終已經是無敵。佢真係無敵架,能相手接發炮彈,甚至把整艏戰艦凌空拋起重疊起來。
5,又話歐盟加日本對戰中國。千軍萬馬的對戰場面欠奉,只有幾隻模型船撞來撞去。
6,東方不敗一人已可單挑日本加歐洲戰艦,駛唔駛甘無聊騎劫人地D船去同于榮光的船隊硬撞。
7,竟然在明朝出現日本潛艇!
8,由東方不敗太勁,結局竟要幫敵人提升功力去同自已對打。下,唔係麻。
9,結局係林青霞和王祖賢坐飛毽奔向太陽,…唔通徐克認為仲可以有第四集?
10,導演係徐克!
